საპრეზიდენტო არჩევნები 28 ოქტომბერს გაიმართება

საქართველოს პრეზედენტმა, გიორგი მარგველაშვილმა საპრეზიდენტო არჩევნების თარიღი დანიშნა. როგორც მან ავლაბრის რეზიდენციაში განაცხადა, არჩევნები 28 ოქტომბერს გაიმართება.

„ეს გადაწყვეტილება მიღებულია საქართველოს პრემიერ-მინისტრთან შეთანხმებით. დღეს შესაბამისი დადგენილება გადაეგზავნება საქართველოს პრემიერ-მინისტრს და შემდეგ წარიმართება შესაბამისი პროცედურები“,- განაცხადა გიორგი მარგველაშვილმა.

საქართველოს კონსტიტუციის თანახმად, საპრეზიდენტო არჩევნები ტარდება პრეზიდენტის უფლებამოსილების ვადის ამოწურვის კალენდარული წლის ოქტომბერში. თარიღს პრეზიდენტი არჩევნებამდე მინიმუმ 60 დღით ადრე ასახელებს.

Comments

comments