ზაფხულის სეზონთან დაკავშირებით ბათუმისკენ მატარებლის დამატებითი რეისები დაინიშნა

ზაფხულის სეზონთან დაკავშირებით და გაზრდილი მგზავრთნაკადის მოთხოვნის უზრუნველსაყოფად, საქართველოს რკინიგზა გადადის ახალ სამატარებლო განრიგზე გადადის, რაც ბათუმის მიმართულებით დამატებითი რეისების დანიშვნას ითვალისწინებს.

19 ივლისიდან თბილისი-ბათუმი-თბილისის მიმართულებაზე ყოველდღიურად შესრულდება ხუთი რეისი, რომელთაგან ერთ რეისს შეასრულებს GRS ტიპის (Stadler) რვავაგონიანი სამგზავრო შემადგენლობა, ხოლო დანარჩენ რეისებზე იმოძრავებენ როგორც GRS ტიპის ორსართულიანი სამგზავრო მატარებლები, ასევე – ერთი GRT ტიპის ელექტრომატარებელი.

მცირედი ცვლილებებია სხვა მიმართულებებზეც. მატარებლების სრული განრიგი განთავსებულია საქართველოს რკინიგზის ოფიციალურ ვებ-გვერდზე. დამატებით რეისებზე ბილეთების გაყიდვა უკვე დაწყებულია. ბილეთები შეძენა შესაძლებელია როგორც საქართველოს რკინიგზის სალაროებში, ასევე სწრაფი გადახდის აპარატების, რკინიგზის ვებ-გვერდისა და სმარტფონებისთვის სპეციალურად შექმნილი აპლიკაციის მეშვეობით (Georgian Railway Tickets).

ახალ განრიგზე გადასვლამ გამოიწვია მცირედი ცვლილება არსებულ განრიგში – GRS ტიპის (Stadler) ორსართულიანი მატარებელი ბათუმიდან თბილისის მიმართულებით 07:30-ის ნაცვლად 08:15-ზე გადის.

Comments

comments